HAWAII'S ONLY WEEKLY FILIPINO-AMERICAN NEWSPAPER
SERVING THE FILIPINO COMMUNITY SINCE 1993
FEB. 9, 2019

PHILIPPINE LANGUAGE

Nagaget, Natakneng Ken Mannakigayyem Ni Filipino

DAYASADAS by Pacita SALUDES

Kunada a mangserbi, managtulong, ken mannakigayyem ni Filipino. Napakumbaba ken saan a mangindadakkel. Pudno dayta a di laeng matagtagibassit a kas ti panangipagarup dagiti sabali a puli. Kasla matagtaginunomo gapu iti dayta a pagarup.

Ti pudno, addaan met ti kired ken bileg a makilangen ken umarang iti uray ania a puli. Naalumamay ken napakumbaba, ngem addaan met ti karit a di maartapan no mariknana a matagtagibassit wenno mairurumen ti kinataona. Ta ni Pinoy add tiaan met ti naitalimeng a di laen matagtagibaba gapu ti Makita a kinaulimek ken kinatalna. Dida la ammo a napigsa ti dusagda no makirit ti riknada ken maituredda pay ti pumatay.

Ni Pinoy mannakigayyem, saan a napalaguad ken managindadakkel. Nadayaw ken managdayaw. Ngem nakarit no makarit. Dayta ti pud no. Addaan ti galad a di matulad ti sabali. Ania dagidiay? Dagiti mangsintir ken managubserbar laeng ti makadlaw.

Sintiren dagiti aglawlaw a kulpulapol. Adda nadayaw, managparbeng, managtulong ken naanus, ken adu met ti galad a di maawatan no dadduma aglalo no madurong ta mariknana met ti pannakairurumen. Dagitoy a galad a saan a marikna manipud kadagiti sabali a puli ken no maminsan mangparegget ken mangpasaliwanwan ti panunot tay maysa a naiyaw-awan. Di kadi makalinnnagentayo a napakumbaba ken mannakaawat ngem adu dagiti saan a maawatan no apay a gamdenda ti managindadakkel. Kayat kadi dagitoy ti mangidasar ti kinabileg tapno maartapanda ti sabali?

Adu dagiti wagas a panangipakita a nasinged ken napatpateg a panangiparikna ken nataltalna a panangipakita a galad ti sabali. Wagas a pamkuatan met dagiti naayat a makikadua ken mannakigayyem. Ti rikna ken nasinged a kababalin ti mangiyasideg ti nasaysayaat a pannakikadua kadagiti kapulpulapol. Dagita a galad ti akuen ken aramiden tapno mapasinged ti nasaysayaat a panagkakadua ken panagkakabsat.

...other Columns

 

____________________________________________

Home | Advertise | Subscribe | About Us | Contact Us

© 2008-2019 Hawaii Filipino Chronicle Inc.