HAWAII'S ONLY WEEKLY FILIPINO-AMERICAN NEWSPAPER
SERVING THE FILIPINO COMMUNITY SINCE 1993
JULY 7, 2018

PHILIPPINE LANGUAGE

Ragragsak A Buangayen Dagiti Filipino Organisasion

DAYASADAS by Pacita SALUDES

Siimpleman ti biag dagiti Ilokano ngem naibudi ti ragragsak a mangparegta kadakuada iti inaldaw. Malaksid ti panagbasbasada kagiti warnakan ken panagsursurat met dagiti mannurat kadagiti warnakan a mangluklukag kadagiti pampanunotda dida mailaksid ti ragsak a mangpaalibtak ti bagi ken panunotda.

Babaen ti KALAYAAN organisasion naaramid ti ragragsak iti Sheraton Waikiki ken kasta met ti panangidaulo ni Mrs. Maggie Domingo. Naragsak a panagtitipon dagiti Filipino organisasion maparagsak ti sapasap. Maidasar ti kankanta ken salsala. Manong kada Manang dita makiranudtayo kadagiti agtutubo tapno umu-ubing pay ti tignay ken riknatayo. No makiranudtayo kadagiti agtutubo, mabalin nga umub-ubing ti rikna ken pampanunot ti pannakaimutektektayo ti naragsak nga aglawlawtayo.

Naragsak ti sagana ken plano dagiti dua a Presidente da Froebel Garcia ti GUMIL HAWAII ken Presidente Raymond Sebastian ti ANNAK TI KAILOKUAN ITI AMERICA a panagsasala dagiti agtutubo tapno adda mapastrek para iti maisagsagana a libro ti GH.

Babaen ti naikudi a gandat ti GUMIL HAWAII, urnongen dagiti mannurat dagiti gapuananda. Dagiti artikulo maipapan dagiti Filipinos iti komonidad agraman pakasaritaan ti biag dagiti mannurat iti tawen 2018 a napauloan ti RANGTAY. Maam-ammo dagiti mannurat babaen itoy a libro ken saadanto a malipatan kabayatan dagiti tawen.

Maipakaammo met kadagiti amin a nagreyna ti GH ken AKA nga isudanto ti laonen ti sumaruno a libro. Napateg unay daytoy ket di malipatan dagiti napateg unay a nakatulong ti pannakaurnong dagiti amin a libro a naurnong no awan dagiti naanep a rereyna a mangitungtungpal ti nakabuklan ti GH. Thank you Queens. Aggasuten dagiti napipintas a babbalasang ken nataengan a nagserserbi ti GUNGLO DAGITI MANNURAT NGA ILOKANO ITI HAWAII ken AKA. Thank you QUEENS. Dakayo ti katalek dagiti mannurat. Agbiag ti GH ken AKA.

(Please send your pictures ken biography and the year you were crowned. They will be in the book for all Queens which will come out in 2019. Please call the Editor at 779-6678.)

...other Columns

 

____________________________________________

Home | Advertise | Subscribe | About Us | Contact Us

© 2008-2018 Hawaii Filipino Chronicle Inc.