HAWAII'S ONLY WEEKLY FILIPINO-AMERICAN NEWSPAPER
SERVING THE FILIPINO COMMUNITY SINCE 1993
AUGUST 3, 2019

PHILIPPINE LANGUAGE

Fiesta Ti Kailokuan, Sagana Ti Gumil Ken Annak Ti Kailokuan

DAYASADAS by Pacita SALUDES

Kas idiay Ilokos, tinawen aga adda fiesta isu a pagtitipunan ken pagraragsakan dagiti agkakailian. Agawidtayo ta intay makifiesta kuna dagiti naikamang kadagiti adayo a lugar kasta met dagiti nakabakasion kadagiti sabali a lugar. Kadagiti adayo a lugar kas iti Hawaii ken dadduma pay iranada ti agbakasion no madanon ti Fiesta ti ili.

Naragsak ngamin dayta a panawen ta adu ti maisagsagana a ragragsak kas kadagiti salsala, kankanta dagiti uray kadaanan a salsala a kapaus a Makita dagiti naikamang ken adda kadagiti adayo ti pagilianda. Ta dayta ti karagsakan a panagkikita ken pagiinniliw dagiti agkakabagian ken agkakailian. Siraragsak met dagiti agtuturay ti il-ili a mangisagana kadagiti kadaanan a salsala ken dadduma pay a pangparagsak iti fiesta.

Ditoy ti di maiwassi a galad ni Ilokano. Ketu ray ti kaaddan iti Hawaii maar-aramid pay dagitoy a galad.

Dagiti organisasion Filipino silalagipda a mangisagsagana ti panagparagsak ti fiesta. Kasla iti GUMIL HAWAII ken AKA (ANNAK TI KAILOKUAN ITI AMERIKA) isu nga agfiesta met iti tinawen. Bulan ti Pebrero kadagiti napalabas a tawtawen ngem naisanud ita ta kapanunotan dagiti agdama a presidente ti GUMIL ni Froebel Garcia.

Maaramid ti fiesta intono Agosto 31, 2019 dita FILCOM CENTER. Manarimaan ita nga isagsagana ni presidente ti GUMIL Froebel Garcia, bise presidente Gloria Raquedan ken Lilia Del Rosario ken dagiti dadduma pay nga opisyales. Fiesta ti Kailokuan, kas iti dati, Filipino a salsala ken tuktokar a di malipatan. “Intay makifiesta!” Dayta ti naragsak nga awis dagiti Ilokano iti Hawaii.

Agosto 31 dita FilCom Center ti pakalagipan manen ti Fiesta Filipino 2019. Isu ti kaadda dagiti agtuturay ti organisasion a mangisungsong ti nakairuaman a salsala ken programa a nakallalagip a segsegaan iti tinawen.

Dita met a makit ti arwat Filipino kas iti barong ken arwat Filipina kimono ken pandiling a maaramat. Maipakita kadagiti ub-ubbing ti pudno a kinaFilipino Fiesta babaen kadagiti tignay ken arwat, panagsao ken panagkankanta. Panangyebkas ti daniw ken kankanta ti mangparagsak itoy a Fiesta ti Kailokuan.

...other Columns

 

____________________________________________

Home | Advertise | Subscribe | About Us | Contact Us

© 2008-2019 Hawaii Filipino Chronicle Inc.