HAWAII'S ONLY WEEKLY FILIPINO-AMERICAN NEWSPAPER
SERVING THE FILIPINO COMMUNITY SINCE 1993
NOV. 3, 2018

PHILIPPINE LANGUAGE

Kapanunotan Dagiti Agsasalip A Papili Nga Agturay

DAYASADAS by Pacita SALUDES

Kadatay amin nga agbasbasa kadagiti WARNAKAN a pangipeksaan dagiti agsasalip a papili kadagiti kaytda a pagturayan (pagsaadan) iti turay, matikawtayo no dadduma kadagiti adu ken agduduma a kalikagum ken plano dagitoy nga agpapili. Nupay no kasta, dagita met ti pampanunotentayo ti kayattayo nga agturay ken mangibaklay kadagiti kayattayo a maaramid iti pagilian.

Nadumaduma ti kayatda. Adda met kadatayo ti kayattayo a magun-od keno siasino kadakuada ti inanamaentayo a makaitungpal kadagiti kalkalikgumantayo ken kayattayo a maaramid iti pagilian.

Diskoter ti kaaduan no asino ti kasayataan a makaitungpal kadagiti kalkalikaguman ti kaaduan a rumbeng a maaramid iti pagilian ken pagsayaatan ti kaaduan. No asino kadagitoy nga AGPAPILI ti botosan. Awan koma ti ginnayyem itoy a panawen. Intayo koma agbutos!! Saantay koma suroten ti sao ti dadduma, A, komporme dita! Agbalintay koma a nasayaat a makipagili. Good luck laengen kadagiti mapili a kayat ti kaaduan.

Kablaawantayo met dagiti napili a pangulo ti OFCC (Oahua Filipino Community Council). Ti kadakkelan nga organisasion ditoy Oahu. Ti Presidente ANNAK TI KAILOKUAN ti napili a presidente, isu ni Raymond Sebastian. Ti met pangulo ti GUMIL ti Bise Presidente. Isu ni Froebel Garcia. Nagsayaat ti panagkadua dagiti presidentetayo. Sapay ta maitungpal dagiti naisangrat nga aramidenda. CONGRATULATIONS kadagiti doble a mangituray kadagiti gunglo. Manginanamatayo kadaduada.

RANGTAY

Mangnamnama ti GUNGLO DAGITI MANNURAT a ti libro a ninaganan ti grupo ti RANGTAY ti maikadua pulo ket maysa a libro ti GUMIL HAWAII isu a maileppas iti daytoy a tawen. Manginanamatayo a malpas daytoy a libro itoy a tawen anakaisangratanna. Kas iti dati nga ar-aramiden ti gunglo, ur-urnongenna dagiti nasisirib nga Ilokano ken nagserbi ti komunidad ken makaitungpal kadagiti nasayaat a pagulidanan ken pagsayaatan ti kaaduan ken ti sibubukel a komunidad. Ket kablaawantay met amin dagiti nadumaduma a grupo Filipino a mangitantan-ay kadagiti nasayaat a pagtuladan a mangibuat a sitatalged para iti sibubukel a Hawaii.

 

...other Columns

 

____________________________________________

Home | Advertise | Subscribe | About Us | Contact Us

© 2008-2018 Hawaii Filipino Chronicle Inc.