Karit Iti Pluma Ni Ilokano Part 2
by Amado I. Yoro
Ti Bibirokek a Saem-Sam-it ken Siit iti Pluma.
Agnadnadnaden ti birtud ti pangaldaw kadagiti nadumaduma a taraon kas iti insalada a rangaw ti balangeg ken kamote nga adda bugguogna sa napettakan iti nakaluluom a bunga ti kamatis, adda pinakbet, igado, dinardaraan, beef broccoli, liningta a mais ken saan a mainaganan ken saan a mabilang a kita ti sinam-it ken kankanen, saramsam, kadua ti inapuy. Adda pay basi da Adviento Amigable, Mike Ulibas, Elpidio Antolin, Ric Agnes,Ely Agor iti likudan ti puni.
SAANKO A napakadaan a naawagan ti naganko. Agsaritaak kano met no ania met ti maibingayko ditoy.
Saanko a pinaay. Ania ti saritaek?
Naimbag ta sakbayna, nakasarsaritak ni Adviento ket nadakdakamatna dagiti diaryna kabayatan dagiti adu a panagbiahena a sumrsurot iti barko kas maysa a marine officer.
Sa maysa, nagpuonak ti kinuna ni Lorie Saoit a nagkuna nga interesado met nga agsurat. Kayatna ti makasursuro, ti parikutna, kasano, kaano, sadino.
Apagisu la unay a masakupan met ti ammok dagiti nadakamatda.
Journal/Diary.
Agbalin ti mannurat a:
- Chronicler, paraisurat iti pudno a pasamak, pulso, bitek, rikna ken situasion
- Caretaker, paraaywan, isu ti awagak iti para-iggem iti pluma, ti pulsso, ket palasbangen, pabaknangen ti kultura, ti lenguahe ken kannawidan
- Recordkeeper. Dagiti pasamak. Padas. Isu ti rangtay, ti lagip ti nabaknang a napalabas.
Essem. Gagar. Interes. Apagisu la unay iti pagsasaok: masapul nga addaanka iti panagduyos, inclination, essem, desire, —-no awan dagitoy, kunada: inka laengen agmula ti kamote.
Parikut no kasano, kaano. Iti ania man nga oras, iti aniaman a wagas ken panagrugi.
“The most important thing is WHEN you write rather HOW you write. The time is NOW set aside a specific time to write,” –J Malan Healop, Dell Van Orden iti libroda How To Write.“A thought must tell at once or not at all,” kuna ni William Hazzlet.
“It does not matter how you write it, where you write it. The most important is you capture the brilliant ideas and never miss the golden opportunity, to WRITE”. Once you miss and let go, it will never come back again,” Damon Knight in Creating Short Fiction.
Mayat. Interes. Inspirasion. Panawen. Agsurattayo latta, maipablaak man ken saan a maipablaak. Ti nasken ken napateg unay,maisurat dayta napateg nga idea a bunga ta panunotmo.“Matay man ti mannurat, nggem dagiti sinuratna, agnanayon a sibibiagda kadagiti mata, puso dagiti agbasbasa,” nabatad a kinuna kaniak ni Juan S.P. Hidalgo, Jr. mannurat, editor, Bannawag.Imbatayko iti bukodko a padas ken bukodko nga estilo.Agbirbirokak iti saem. Nasken a masugatka tapno napintas ti ibunga ti suraten. Ramen ti nabileg a piesa ti prosa ken dandani, dungdung-aw, sangsangit ken kankanta ti sugat, ti lua, ti dara, ti nasakit nga angaw, nasakit a pannakapaay. Dagita ti mangpalagda ken mangpatalged a kas iti risiris wenno kontrabida kadagiti suraten. Masapul nga ammom ti masugat. Dagitoy ti aw-awagak iti SIIT KEN ROSAS, iti panagsuratan.AGSURATTAYO LATTA iti nagan ti Literatura Ilokana ken Kultura.
Listaan dagiti immay makiinnadal:
- Mel Agag, Jr.
- Ric Agnes
- Mina Agnes
- Ely Agor
- Jocelyn Agustin
- Adviento Amigable
- Elpidio Antolin
- Vina Antolin
- Cleo Bala-Mrs. GH 1991
- Nora Cabico
- Ines Cayaban
- Fely Critobal
- Cresencia Dela Rosa-Domingo
- Nenita Diga- Mrs. GH 1992
- Flory Fermin
- Adrian Galvez
- Lerina Galvez- First Miss GH
- Carlo Laforga
- Marietta Laforga
- Dee Madaran
- Felipe Madarang
- Magdalena Nacino
- Letty Pascua
- Merly Pasion
- Aurora Ponce
- Francisco Ponce
- Mildred Sadorra
- Perlita Sadorra
- Fred Saludes
- Pacita Saludes
- Rev. David Saludez
- Mrs. D. Saludez
- Lorie Saoit
- Dolores Tugadi
- Ludovico Tugadi
- Helen Ulibas
- Mike Ulibas
- Benny Ventura
- Amado Yoro
Ti kangrunaan nga akem ti mannurat, ket agsurat. Agsurat. Aginggana ita, agsursuratak latta. Adda nagkuna: Daniw idi, daniw pay laeng, agdandaniwwka pay laeng. Kunak met: agyamanak ta addaak nga agdandaniw latta, ngem iti awanakton nga agdandaniw”.
Aramidem ti maaramidmo itan. No bigat amangan a maladawton.
Get the latest stories from Hawaii Filipino Chronicle straight to your inbox! Subscribe to our FREE newsletter here
