Ti Dana Iti Sirok Ti Bullalayaw

by Amado I. Yoro

Adda bullalayaw ita nga agsapa Cielo Alma
Ditoy laud ti balay. Ita nga irubuatta manen
iti sabali nga addang a kasilpo ti anges.

Adda wayawaya dagiti gundaway a sagrapen ti anges ti biag.
Agyamanta dakkel a panagyaman ta limmabasta manen iti maysa
a natalna a rabii iti sallukob ken Aywan ni Apo Dios a nailangitan.
Agyamanta. Ita manen magnata
kadagiti nawatiwat pay a panagdaliasat.

Dayta ti bullalayaw; adda dita ti namnama
adda dita ti ayat; adda dita ti kinatibker
adda dita ti bileg ti pammati ken kararag.

About Author

admin

See author's posts