COVID-19: Isunan Pumanawka Mapankan
by Amado I. Yoro
Isunan. Pumanawkan
Saanka a taga ditoy; IsunanInkan, wen, inkan
Pumanawkan iti awanan
Naganna nga ipapanaw.
Adun ti pinabutngam
Alarma dita, ditoy, sadiay
Iti saan nga agpabatubat
Nga arikusa ken kuratsa
Kurenreng ken kuarantinas
Dagiti saan a makompasan a sala…
Inyegmo ti kintayeg ti lubong
No asinoka iti rabaw ti angin
dayyeg ti makasabidong
a korona, sugat ken sabrak:
damsak ken kuspagsika aplat
sika a milat
sika a kabusor
ti salun-at
sika awanan asi
kinibormo, wen, kinibormo
tinukodmo kaunggan a konsensia
da presidente, da gobernador.
Da senador;
da mayor, aglalo da kapitan
Kinibormo ti talna
Inyegmo ti kebba, ti dandanag
iti danapeg ti daga
Pigerger, tigerger, lammin
Iti awan asim; ni awanan gaway a
Biniktimam da kabsat, wen, kine
ltaymo biag
Ni kabsat, ni gayyem, ni pagayam
da kabagian,
da gayyem uray
Ni senador, anian a panangikulbo
Inkan, pumanawkan
Ruk-atam ti biktimam
Nga agnguynguy-a-agngangabit iti ICU
Ti baludmo a kuarintinas, lockdown
Iti pannakabalud, adda panagbisin
Pannakawaw, pannakaapura
Rinakrakmo ti talinaay
Da doktor, da nars,
Dagiti insubom iti bunganga
Ti ngarab iti derraas awanan naganna a tanem
Riniwriw a frontliners
Adda met latta dagiti agdidinnaer-sirib
Ti laing, iti pinnabasol kenP
innabanto ti tayok ti isbo…
Dagiti tumanawtaw dita ken
Tangken ulo sadiay
Dagiti maulaw ken matalimudaw
Ne dayta, addaan alta presion-hayblad
Pinnabasol, parabuya wenno paradillaw
dimtengka iti katalnaanti panawen
Adun ti indagelmo
Ta damsakmo
Ta kinagubsang
Kinaranggas, inkan
Saanka a taga lubong
Inkan idiay kaikariam
Isunan
Mapankan
Saankan nga agsubli
Inkan iti kaikariam
Saanka a taga ditoy
Adda nakaikariam
Saanka a taga ditoy
Ket maikuyogka a matay
Iti pannakalaylay, pannakatay dagiti
Bulbulong iti kuaresma dagiti maruro
sA sabong iti semana santa kalpasan
Iti Domingo Sabet
Iti Domingo Alleluiha
Inkan, saankan nga agsubli.
