Natakneng Nga Aramid Ti Panagboluntario

by Amado I. Yoro

Maysa a natakneng ken naindaklan a panagserbi a boluntario no makatulongka iti sabali a tao. Panagayat. Panangipaay. Aramid a kinaimbag.

Intayon makipagserbi idiay shelter pada a volunteer.

Idiay shelter wenno iti Institute for Human Services [IHS], adda agkuna iti ‘thank you’, mahalo, God Bless. Adda isem, adda namnama kadakuada tunggal mapan ti grupo, agserbi ken agpamakan.

“What a good feeling and sense of sharing” kinuna ti maysa kadagiti kaduak a volunteer.

“Coming here to serve is worthied,” kinuna met ni Art Abinsay. Nagbalin a regular volunteer ni Art ket nagangayanna, naawisna dagiti kakabsat ken kayongna a timmipon iti grupo, dagiti pamilia Alimboyoguen ken Abinsay.

Saan a gapu iti UFCH Resolusion 2010-01 a naaprobaran idiay Lahaina, Maui, idi kombension ti UFCH, Hulio 2010, kas panangidatagmi kada Jun Abinsay, Danny Villaruz ken siak, agpapadakami a nagpresidente iti OFCC, ngem gapu met laeng iti espiritu ti panagserbi ken pannangted ti tiempo, talento ken oras, ar-aramiden “Concerned Leaders in Action Group,” in partnership iti United Filipino Council of Hawaii

1. Oahu Filipino Community Council
2. Divine Word College of Laoag College Alumni Assn of Hawaii
3. Ilocos Surian Assn of Hawaii
4. Ilocos Norte College of Arts & Trade Alumni
5. United Group Home Operators
6. SCORE
7. ALWAD
8. Filipino Womens Civic Club
9. Filipino Business Womens Assn
10. Annak Ti Sinait
11. Sinait Alumni Assn of Hawaii
12. San Nicolas Teachers Assn of Hawaii
13. International Filipino Society of Hawaii
14. Fil-Am Sports USA ti nagtitipon a gunglo Filipino iti salinong ti UFCH ken OFCC ti panagtalinaed nga aktibo ti grupo iti tunggal maudi a Lunes tunggal bulan, nangrugi pay la kadagiti immun-unan nga aldaw. Ngem iti kinapateg ti proyekto, nagbalin a partnership.

Saanak nga agpangadua, adda met dagiti immun-una idin a gunglo a mangaramid iti serbisio mabalin a dua wenno ad-adu a daras iti maysa a tawen nga ipapanda iti shelter kas paset ti programada. Adda pay dagiti mapan iti naisangayan nga aldaw kas iti kasanguanan wenno kalpasan ti Thanksgiving, Paskua, wenno Baro a Tawen.

Ngem idi Enero 2001, kas pangulo ti Program and Planning and Community Relations Committee, indatagko iti Annak Ti Sinait Iti Hawaii ken Sinait Alumni Association of Hawaii a maaddaan koma dagitoy a gunglo iti proyekto a kas Feed  the Homeless, Hawaii Food Bank, Blood Bank of Hawaii ken dadduma. Ket kasta met nga indatagko iti DWCLCAAH, a binuniagak iti MISSION DAY SERVICE a sakupenna ti community outreach: Feed  the Homeless, a no dadduma managan iti Feed the 5000 kas sagpaminsan nga aramidenmi iti simbaan a nakaikamengak, Adopt a Hwy, Hawaii Food Bank Drive, banag a naanamongan idi Agosto 2009.

Kas Co-Chair ti UFCH Social Action Committee idi 2009, indatagko iti agpada a hunta ti UFCH/OFCC, nagbalin a partnership ket narugian daytoy a proyekto idi Oktubre 2009 babaen iti pannakiurnosmi iti tinawen nga eskedeul iti Volunteer Coordinator iti Institute for Human Services Ana Iose ken Leigh Smith.

Dua a pasdek wenno lugar [sites] Men ken Women. Adda aganay a 75 a kliente iti yan dagiti babbai idinto a 200-250 iti yan dagiti lallaki.

“Dakami man laengen iti Filipino Womens Civic Club ken Filipino Business Women Association, Magsingal Association ti mangsakup iti yan dagiti babbai” no saanak a mariro, ni Armi Farinas ti nagkuna. Ni Armi ti presidente ti Magsingal Association of Hawaii, dati a Mrs. Hawaii Filipina.

Kadagitoy nga aldaw, malaksid kadagiti orihinal a gunglo kas nadakamat iti pakauna iti ngato, timmipon ti

1. Cabugao Sons & Daughters
2. St. Paul’s Church
3. Vigan Association of Hawaii
4. Filipino Coalition for Solidarity
5. Bible Group
6. 808 Da Barkads

Adda met espesial a partisipasion da Mrs. Hawaii Filipina Jema Geronimo, Miss Hawaii Filipina Celina Macadangdang Hayashi, Miss Teen Hawaii Alyssa Reyes, Miss Hawaii Filipina Margaret Pascual, Miss Oahu Filipina Marnelli Joy Basilio.

Panagyamanmi iti imbag nakem ken tiempo para kadagiti masansanen a tumulong iti tunggal maudi a Lunes iti binulan: Art Abinsay, Marcelo Acopan,Aurea Agas, Eddie Agas, Philip Alcain, Edna Alikpala, Jimmy Alimboyoguen, Nelia Abinsay Alimboyoguen, Melecio Balais, Suzie Berardy, Flordelis Cabuslay, Jimmy Cabuslay, Charlene Cuaresma, Estelita Dela Cruz, Raquel Dizon, Maggie Domingo, Maria Etrata, Bernadette Fajardo, Mimi Gozar, Lynne Gutierrez, Rheanne Gutierrez, Ruben Gutierrez, Jean Jeremiah, Angel Lewis, Cirvalina Longboy, Wilma Abinsay Luangphinith, Esther Pascual, Jesse Pascual, Lucy Pascual, Richard Pascual, Connie Ramirez, Larry Ramirez, Agnes Reyes, Al Sabangan, Rose Sabangan, Cora Salvador, Fe Velasco, Danny Villaruz.

Agtultuloy daytoy a proyekto iti nagan iti panagserbi babaen ti saan nga agsardeng a suporta ken tiempo dagiti nainaganan iti ngato.

Simmaruno a timmipon dagiti dadduma a papagayam a mangibagi iti grupoda kas iti Santiagueneans of Hawwaii nga ipanguluan da Maria Cristina White ken Tom Quintos, Sto Domingo, nga ipanguluan ni Isabel Phu, Fr. Peter Dumag, Roger ken Edith Tapat.

Maawis amin dagiti dadduma a kameng ken lider ti gunglo, kameng ken saan iti UFCH/OFCC. Nupay saan unay nga aktibo ti suporta ti liderato ti OFCC/UFCH iti tawen 2016-2018, sa immay ti Covid-19, saankami a naupay a mangitultuloy latta iti liderato da Angie Santiago, John Witeck UFCH/Bulacan Circle ken kakaduada, iti 2022 sinublianmi manen ti shelter a kas met iti Adopt a Hwy Clean up iti Kalihi St/Likelike Hwy 2 miles stretch manioud iti Nimitz Hwy aginggana iti Kula Kolea Rd. Nupay insardengen ti Samahang Ilocano International ti Adopt a Hwy Farrington Hwy, Wiapahu nga indauluan dagiti agassawa a Noli ken Linda Butay.

Naminsan nga Adopt a Park iti Neal Blaisdell Park, Pearl City babaen iti nagtitipon a grupo, nakairamanan dagiti kandidata ti Miss Oahu Filipina nga inuggor ida ni Mrs. Hawaii Filipina Armi Farinas.

Ti panagserbi ti maysa a galad ti tao. Kawesna ti serbisio a gratis.

KASTOY: “It is not your wealth and richness that make you great person, your quality contributions and services to your community and other people makes you great” Kinuna ni James Gregory Lord. Volunteer Coordinator.

Leave a Reply

Your email address will not be published.

This site uses Akismet to reduce spam. Learn how your comment data is processed.